Tere pehloo main ishq ka woh maqaam paa liya hai
mere har dard ko teri muskurahaton ne chhupa liya hai
judai raat ke siyah kagzon main dafan ho gayi hai
andheron ki roshnni main saahil ko paa liya hai
tujh se milnay ki khwahish thee zindagi jeenay ka sabab
Aaj aawaz jo suni to maut main sukoon paa liya hai
ghamon ko dil se lagakar ronay ka kya faida
kharay samandar se apni pyas ko bujha liya hai
jaam chakh kar to sab hee behak jaatay hain
main-khanay se guzar kar nasha honay ka raaz paaliya hai
kal jo kamzor thai to kahin gum thai, shehroz
garam hawaon ne aaj apna aaqa bana liya hai
No comments:
Post a Comment